Ngaramara na Nchegharị dịka Ndịniisiokwu n’Ejije ndị A Họọrọ: Nzipụta na Ihe Mmụta

Abstract

Agụmagụ bụ enyo e ji ahụ ndụ. Ọna-agba ebimndụ mmadụ ma nke ọma ma nke ọjọọ n’anwụ. Odee agụmagụ na-agbali izipụtara ọhanaeze ihe na-eme n’ụwa a nọ n’ime ya ọkachasi ihe gbasara omume dị iche iche mmadụ na-ezipụta.Ọ na-eme nke a site na ndịniisiokwu dị iche iche gbara elu n’agụmagụ o dere. E nwebeghị nchọcha e merela n’oge gara aga banyere isiokwu nchọcha a e ji akwụkwọ ejije ndị a họọrọ maka nchọcha a wee mee. Ebumnobi nchọcha a bụ ịjị akwụkwọ ejije anọ ndị a họọrọ gosi etu odee ha siri zipụta ndịniisiokwu ngaramara na nchegharị. Ọzọ bụịmata etu odee ejije ndị a siri zipụta agwa ndị hụtara onwe ha n’ọnọdụ ngaramara na nchegharị. Ọ ga-elebakwa anyan’ihe mmụta ọhaneze ga-esi n’ọnọdụ dị etu a wee mụta. Akwụkwọ ejije ndịa họọrọ bụChịadịkobi, Onye Loro Mkpụrụ Ụdara,Nwaanyị Bụ Ihe Ukwu naNke m Ji Ka. Nchọcha nkọwa a bụ nke a gbasoro atụtụ nhụrụnanya mee. Atụtụ nhụrụnanya a ka a kpọrọ empiricism theoryn’asụsụ Bekee. Ọ bụ atụtụ John Locke, nke na-akọwa na amamihe, sitere n’ihe mere mmadụ nke kuziiri ya ihe maọbụ ihe mmadụ hụlara na ndụ. A chọpụtara site n’akwụkwọ ejije ndị a,na odee ndị a zipụtara ngaramara dịka ọnọdụ na- ewetara mmadụ nchegharị. Ọzọ bụna odee ejije ndị a gosiri na ngaramara na-esi n’ihe adịghị mma nke mmadụ mere n’oge gara aga nke ọ chọghị ka onye ọzọ mee n’ihi na uru adịghị na ya. Ihe dị etu a ka mmadụ dị etu ahụ na-ezipụtara ọhaneze site na nchegharị ya ka ha kpachara anya ha. Nchọcha a ga-abara ma nwoke ma nwaanyị uru n’ihi na ha ga- amụta ọtụtụ ihe na-ebute ngaramara na ọnọdụ nchegharị ma gbaara ha ọsọ ka ihe mere agwa ndị nke a metụtara n’ejije ndị e jiri mee nchọcha a ghara ime ha.